ÜMİDTV:    Vətən müharibəsinə könüllü yollanan Lerik rayonunun Şinəband kəndində doğulan, ailəsi ilə birlikdə Xəzər rayonu, Binə qəsəbəsində yaşayan Bəşirov Seymur Zeynulla oğlu, cəbhə bölgəsindən Xəzər RİH-nin Başçısına video müraciət ünvanlayıb.

Sosial şəbəkədə yerləşdirilən video müraciət, eyni zamanda dogru.az saytında dərc olunan məlumatdan sonra Xəzər RİH-ti hərəkətə keçib. Əsgərin yaşayış evinə baxış keçirib problemi yerindəcə həll ediblər.  

Qeyd edək ki, əsgər video müraciətdə, özü cəbhə bölgəsində olduğu üçün, evində qaz və işığın olmaması səbəbindən ailə üzvlərinin soyuqdan əziyyət çəkdiyini bildirib.

ÜmidTv olaraq hesab edirik ki, aidiyyatı təşkilatlar cəbhədə olan əsgərlərimizin ailələrinə baş çəkməli, mövcud problemləri yerindəcə həll etməlidirlər. Cəbhə bölgəsindən ailəsindən narahat olan əsgərin video müraciətini gözləməməlidirlər.

İnanırıq ki, aidiyyatı qurumlar bundan sonra eyni halların təkrarlanmaması üçün elə indidən hərəkətə keçəcəklər.