Tacikistan oyundan kənar qaldı. Belə ki, ölkədə futbol çempionatı mayın 10-da davam etdirilməli olsa da, fasiləni qeyri-müəyyən müddətə qədər uzatmaq qərarı alınıb. Bu barədə “Sputnik” xəbər yayıb. Turnir xüsusi sərəncamdan sonra davam edəcək. Beləliklə, Avrasiyada futbolun davam etdiyi iki ölkə qaldı - Belarus və Türkmənistan. Tacikistanda COVID-19-la bağlı ilk yoluxma halı bir neçə gün əvvəl qeydə alınıb. Yoluxanların sayı artıq 379 nəfərə çatıb.