Milli Hidrometeorologiya Xidm?tinin məlumatına görə, yaxın günlər ərzində ölkə ərazisində soyuq və kəskin hava şəraitinin müşahidə olunacağı proqnozlaşdırılır. Temperaturların xeyli enməsi, sulu qar və qar yağacağı, bu yağıntıların bəzi dağlıq və dağətəyi rayonlarda intensiv olacağı gözlənilir. Həmçinin, yolların buz bağlayacağı, güclü küləyin əsəcəyi də proqnozlarda vurğulanır.

Fövqəladə Hallar Nazirliyinin Arazmedia.az-a bildirdiyinə görə, bu günlərdə təhlükəsizlik qaydalarına ciddi riayət etmək zərurətidir. Soyuq və yağıntılı hava şəraiti, qaz və elektrik qızdırıcı cihazlarının istifadəsinin artmasına səbəb olacaq. Bunun nəticəsində elektrik şəbəkəsinin həddindən artıq yüklənməsi, həmçinin nasaz, qeyri-standart və ya kustar üsulla hazırlanmış qaz və elektrik qızdırıcı cihazlarının istifadəsi yanğın riskini artırır. Eyni zamanda, bunlar dəm qazı təhlükəsini də yarada bilər.

Ona görə də, nasaz, qeyri-standart və ya kustar üsulla hazırlanmış qızdırıcı cihazlardan istifadə edilməməli, elektrik şəbəkəsi həddindən artıq yüklənməməli, işlək vəziyyətdə olan qızdırıcı cihazlar nəzarətsiz qoyulmamalıdır. Qızdırıcı cihazların yaxınlığında yanar materiallar və asan alışan mayelər saxlanılmamalıdır. Cihazlardan istifadə edərkən istehsalçıların təlimatlarına riayət edilməlidir.

Xüsusilə dağlıq ərazilərdə yaşayan şəxslərə rəsmi qurumların hava şəraiti ilə bağlı proqnozlarına diqqət yetirmələri, çovğunlu hava şəraitində mümkün qədər yaşayış məntəqələrini tərk etməmələri, hər hansı bir zərurət yarandıqda hərəkət istiqamətləri haqqında yaxındakıları əvvəlcədən məlumatlandırmaları tövsiyə olunur. Hərəkət avtomobillə olduqda, avtomobilin texniki göstəricilərinin fasiləsiz uyğunluğunu və kifayət qədər yanacaq ehtiyatını təmin etmək lazımdır. Dəbilqə mərkəzlərinə yaxınlaşmamalı və hərəkət marşrutunu düzgün seçməlidirlər. Eyni zamanda, olduqları yerlərdə xəbərdaredici və qadağanedici nişanların tələblərinə əməl etmələri vacibdir. Qar uçqunu ehtimalı olan yerlərdən, o cümlədən dik yamaclardan kənar durmaq və günün qaranlıq vaxtına qalmadan yaşayış məntəqəsinə geri dönmək tövsiyə edilir.

Bundan əlavə, güclü külək zamanı yüngül konstruksiyalı və müvəqqəti tikililərdən, bina və reklam lövhələrindən uzaq durulması tövsiyə olunur. Elektrik dirəkləri və naqillərinin, hündür ağacların altından çəkilməməsi zəruridir. Güclü külək zamanı yanğınların söndürülməsi ilə bağlı yaranan çətinlikləri nəzərə alaraq, küləkli hava şəraitində yanğın təhlükəsizliyi qaydalarına xüsusi ciddi riayət etmək mütləqdir.

Mənbə: Yaxınlaşan soyuq və kəskin hava şəraiti ilə bağlı XƏBƏRDARLIQ