Rusiya Prezidenti Vladimir Putin, dekabrın 25-i Bakının Qrozni marşrutu üzrə uçuş yerinə yetirən "Azərbaycan Hava Yolları"na məxsus sərnişin təyyarəsinin Rusiya hava məkanında fiziki-texniki xarakterli kənar müdaxiləyə məruz qalması səbəbindən Azərbaycan Prezidenti İlham Əliyevdən üzr istəyib. Bu barədə məlumatı Kreml yayıb.

Bildirilib ki, Rusiya tərəfinin təşəbbüsü ilə liderlər arasında telefon danışıgı baş tutub. Telefon danışığı zamanı Vladimir Putin, baş vermiş faciəvi hadisə ilə bağlı öz dərin və səmimi başsağlığını çatdırıb. O, qəzada həlak olanların ailələrinə və yaxınlarına başsağlığı diləyib, xəsarət alanların tezliklə sağalmalarını arzulayıb.

Prezident İlham Əliyev isə, "Azərbaycan Hava Yolları"na məxsus sərnişin təyyarəsinin Rusiyanın hava məkanında olan zaman kənar fiziki-texniki müdaxiləyə məruz qaldığını, nəticədə idarəetməni tam itirdiyini qeyd edib. O, təyyarənin Qazaxıstanın Aktau şəhərinə doğru yönləndirildiyini, yalnız pilotların sücaəti və peşəkarlığı sayəsində qəzanın eniş edildiğini ifadə edib.

Dövlət başçısı, təyyarənin gövdəsində çoxsaylı deşiklərin olduğunu, hələ havada olarkən sərnişin və heyət üzvlərinin təyyarənin göyərtəsinə daxil olmuş yad hissəciklərlə yaralanma faktının təsbit edildiyini vurğulayıb. Telefon danışığı zamanı dövlət başçıları bu faciənin bütün təfərrüatlarımının ciddi və hərtərəfli araşdırılması, günahkarların məsuliyyətə cəlb edilməsi məsələrini müzakirə ediblər.

Prezident İlham Əliyev, Azərbaycan tərəfinin təklifi ilə bu qəzanın səbəblərinin hərtərəfli araşdırılması üçün beynəlxalq ekspertlərdən ibarət heyət təşkil edildiyini vurğulayıb. O, qeyd edib ki, bu heyət artıq fəaliyyəti başlatmışdır.

Dövlət başçıları, həmçinin faciə ilə əlaqədar başlanmış istintaq prosesinin tam şəffaf şəkildə aparılacağını və mütəmadi qaydada ictimaiyyətə məlumat veriləcəyini vurğulayıblar.