Sumqayıt şəhərində yerləşən 16 nömrəli məktəblə bağlı sosial mediada yayılan bir sıra şikayətlər valideynlər və şagirdlər arasında narazılığa səbəb olub. Şikayətlərin səbəbi məktəbdəki təhsil mühitinin pisləşməsi, rüşvət və kommersiya fəaliyyətlərinin artmasıdır.
İddiaları təqdim edirik:
Sinif otaqlarının icarəyə verilməsi: Bəzi valideynlər bildirir ki, məktəbin sinif otaqları müəyyən şəxslərə icarəyə verilir. Bu səbəbdən şagirdlər hər gün fərqli sinif otaqlarına köçürülməyə məcbur olurlar. Bu isə onların təhsil keyfiyyətinə mənfi təsir göstərir və qeyri-sabit mühit yaradır.
Pul yığımı və maliyyə problemləri: Şagirdlərin valideynlərindən müxtəlif adlarla pul yığıldığı iddia edilir. Valideynlərdən birinin rəyinə görə, əgər müəllimlərə verilən pullar yığılsa, bu məbləğ bir avtomobil almağa kifayət edir.
Şikayətlərin nəzərə alınmaması: Şagirdlər və valideynlər tərəfindən edilən şikayətlərə baxılmadığı iddia edilir. Rəylərdə vurğulanan əsas məqam odur ki, təhsil müəssisəsində problemlərin həll olunması əvəzinə, məsələnin üstünün örtülməsinə çalışılır.
Təzyiq və qorxu: Bəzi valideynlər bildirirlər ki, məktəbdəki problemlər haqqında açıq danışanlar müəyyən təzyiqlərlə üzləşirlər. Bu səbəbdən çoxları narazılıqlarını açıq şəkildə ifadə etməkdən çəkinir.
Nəticə etibarilə, məktəbdə baş verən bu problemlər ictimai narazılığa səbəb olub. Valideynlər aidiyyəti qurumlardan araşdırma aparılmasını və məktəbdəki vəziyyətin yaxşılaşdırılmasını tələb edirlər. Təhsilin keyfiyyətinin qorunması və şagirdlərin hüquqlarının müdafiəsi üçün rəsmi qurumların bu məsələyə ciddi yanaşması vacibdir.
Məqalədə təqdim edilən iddialarla bağlı Abşeron - Xızı Regional Təhsil İdarəsinin sözcüsünün məsələyə münasibətini dinləməyə verici fikirlərin dərc edilməsinə hazırıq. (aknews.az)
Bu məktəblə bağlı zaman-zaman mediada təhsil adına yarşmayan məlumatlar yer alıb. Bir müddət əvvəl, sosial şəbəkələrdə yayılan səs yazısı müzakirələrə səbəb olmuşdur. Səs yazısına görə, bu məktəbdə açıq-askar şəkildə şagirdlərdən pul tələb olunurdu.
Bəlkə ki, müəllimə Hacıyeva Nəcibə Murtuz qızı "WhatsApp" qruplarından birinə 11-ci sinif şagirdlərindən attestat haqqı və digər xərcləri tələb edən səs yazısı göndərib.
Abşeron-Xızı regional təhsil dairəsindən bildirilmişdir ki, hazırda idarə əməkdaşları tərəfindən məktəbdə araşdırma aparılır.
Qeyd edək ki, Sumqayıt şəhər 16 saylı tam orta məktəbin direktoru Sevil Behbudbaylıdır. Bildirildiyinə görə, Sevil xanımın Abşeron-Xızı Regional Təhsil İdarəsinin müdiri İlhəm Abdullayevlə qohumluq əlaqəsi də var. Bu səbəbdən də, xanım direktora "gözün üstə qaşın var" deyən yoxdur.
Yenixeber.org
```
