Son iki yüz illik Az?rbaycan tarixində böyük bir tarixi qələbənin sevincini bütöv Az?rbaycan yasayır. Bu tarixi qələbəni bizlərə yasadan torpağı vətən edən şəhidlərimiz, sağlamlığını vətən uğrunda itirən qazilərimizdir. Müzəffər Ali Baş Komandanın düşünülmüş siyasətidir. 2020-ci ilin sentyabrın 27-də başlayan işğal altındakı torpaqlarımızın azad edilməsi uğrunda döyüşdə əsgərlərimiz son dərəcə cəsarətli və vətənpərvər bir ruhla döyüşdülər. Hər bir qəhrəman öz arzusu olan torpaqlarımızın azadlığı və Az?rbaycanın suverenliyi uğrunda silaha sarılmışdı. Qarabağ müharibəsində düşmənə sinəsini sipər edən qəhrəmanlarımız vətənpərvərlik nümunəsi göstərdilər. Bu gün hər bir Az?rbaycan gənci, elə də, həmin qəhrəmanların vətən sevgisini öz həyatlarında müsbət nümunə kimi qəbul edir. Onlar torpaqları vətən edən Az?rbaycanın şanlı zəfər tarixini yazdılar. Birinci Qarabağ müharibəsində döyüşən bir neçə qəhrəmanlardan biri Eldəniz Fabir oğlu Məmmədovdur. Eldəniz 12 may 1970-ci ildə Laçın şəhərində anadan olmuşdur. O, 1987-ci ildə Laçın 1№-li orta məktəbini bitirmiş, həmin il Bakı Kooperativ Texnikumuna daxil olmuş, 1 il sonra həqiqi hərbi xidmətə çağırılmışdır. Eldəniz Məmmədov hərbi xidmətini Arktikada başa vurduqdan sonra 1990-cı ildən etibarən Laçın rayonunda yaradılmış özünümüdafiə batalyonuna yazılmışdır. O, Zabux, Dasalti və Kərkicahan döyüşlərində düşmənin 4 BMP-ni vurub, 18 nəfər düşmən əsgərini məhv etmişdir. Laçının Fərəc an kəndinin yaxınlığında "Arpa gödüyü" adlanan yerdə 4 erməni əsgərini məhv etdikdən sonra mühasirəyə düşmüşdür. Onun cəsarəti sayəsində qurtulmağı bacarmışdır. Döyüş yoldaşları ilə döyüşlərdə olduğu zaman, Eldəniz 30-a qədər erməni əsgərini və zabitini məhv etmişdir. 1992-ci ilin sentyabr ayının 16-da Ağdərə bölgəsinin Çildiran kəndi yaxınlığında döyüş zamanı düşmənin 1 tankını və 1 yük maşınını sıradan çıxarmışdır. Eldəniz Məmmədov 21 mart 1993-cü ildə döyüşlər zamanı qəhrəmancasına şəhid olmuşdur. O, subay idi və Bakı şəhərindəki Şəhidlər Xiyabanında dəfn olunmuşdur. 1996-cı il tarixli qərara əsasən Laçın rayonunun Aganus kənd mədəniyyət evinə Eldəniz Məmmədovun adı verilmişdir. Eldəniz haqqında xatirələrini bölüşən döyüşçü Xəyam Nəsirov deyir: "Eldəniz Məmmədovla 811 saylı hərbi hissədə bir yerdə olmuşuq. Çox qorxmaz oğul idi, dostluqda və yoldaşlıqda etibarlı və dəyanətli bir dost idi". Qarabağ qazisi Vaqif Yusifov isə: "İlk tanışlığımız 1992-ci ildən olub. Agdərənin alınmasında döyüşmüşük" deyərək Eldənizin döyüşdüyü anları təsvir edir. Eldəniz hər zaman cəsarətli və qətiyyətli bir əsgər idi, döyüşlərdə düşmənin sayını azaldırdı. Nəticədə, Eldəniz Məmmədov, cəbhədəki döyüşlərdə təkcə düşməni deyil, eyni zamanda azərbaycanlı gənclərin ruhunu da ucaldaraq şəhid olub. Onun ruhu, uğrunda canlarından keçdiyi torpaqlarda azadlıq mücadiləsi simvolu olaraq yaşayır. Ruhu şad olsun, Şəhidim! Şəhidlər ölməz, Vətən bölünməz!