Az?rbaycan Avtomobil Yolları Dövl?t Agentliyinin (AAYDA) İdarə Heyətinin sədri Saleh Məmmədov və müavini İvaz Qocayev yola salınır. Anaxeber.info-nun verdiyi məlumata əsasən, "Azryolservis" ASC-dən bəri bu strukturda uzun illər işbirliyində olmuş Məmmədov-Qocayev cütlüyü ilə bağlı artıq qərar qəbul edilib. Xəbərdə deyilir ki, onların vəzifədən azad ediləcəyi gözlənilir və yaxın zamanda sərəncam imzalanacaq.

Bu mövzuda qaynar.info yazıb ki, 67 yaşlı sədri təqaüdə göndəriləcəyi bildirilir. Quruma sədrliyin işini İli Hacıyevə həvalə olunacağı ehtimalı var. O, AAYDA İdarə Heyətinin sədr müavinidir. Buna görə isə İvaz Qocayevin sədrlik arzusunun dəfn olunduğunu söyləmək mümkündür. İvaz Qocayev uzun müddət çalışıb ki, Saleh Məmmədovdan sonra sədr təyin edilsin. Ancaq yuxarı eşelonda gedən müzakirələrdə İli Hacıyev namizəd irəli sürülüb və ona etimad göstərilib. Sadəcə, onun təqdimatının prezidentə çatdırılması məsələsi qalır. İvaz Qocayevin isə yalnız sədrlik planı baş tutmur, hətta işindən kənarlaşdırılır.

Qeyd edək ki, İvaz Qocayevlə Saleh Məmmədovun adı bir sıra maxinasiya, korrupsiya hallarinda çıxmışdır. Eyni zamanda, İvaz Qocayevin və sədrin ölkədəki, həmçinin xaricdəki biznesi haqqında geniş məlumatlar yayılmışdır. İvaz Qocayevin mülklərinin siyahısı bir neçə dəfə mediada tirajlanıb. Həmin siyahını yenidən təqdim edirik ki, bir dövlət qurumunda sədr müavininin necə oliqarxa çevrildiyi ilə bağlı təsəvvürlər formalaşsın. Bu sərvəti maaşla əldə etmək mümkün deyil:

• Ocaq ailəvi restoran (Binəqədi, Digah yol kəsilməsi 4)
• Yasamal, Xətai, Səbail rayonlarında Ocaq (restoran, kafe, art) şəbəkəsi
• Tovuz rayonunun Şüyüblü kəndində böyük ferma, artezian quyular
• Port Bakunun üstündə sahəsi 130 kv.m olan 3 otaqlı mənzil
• NN Gözəllik salonları şəbəkəsi (şəhərin müxtəlif yerlərində - qızı Xatirə Qocayeva idarə edir)
• H.Əliyev küçəsində Real MTK-da 380 kv.m olan ofis (ASAN xidmətin arxası)
• Binəqədi rayonunda Cəfər Xandan küçəsi 28, mənzil 23 ünvanında sahəsi 155 kv.m olan 4 otaqlı mənzil
• Özəl və dövlət banklarında arvadı Tamella Qocayeva-nın adında 10 milyon manat depozit (arvadının və ayrı-ayrı şəxslərin adında rəsmiləşdirilmiş, təkcə bu depozitlərdən 12 faizlik aylıq faiz gəlir - təxminən 200 min manat)
• Hazırda oğlu Anar Qocayev Interpol Baş İdarəsində təsis müavini vəzifəsində çalışır.
• Köhnə Varovskidə 3 mərtəbəli villa
• Novxanıda ayrı-ayrılıqda 3 villa
• Star-M MTK-da ümumi sahəsi 320 kv.m olan 7 otaqlı iki mənzil
• REAL MTK-da 4 otaqlı sahəsi 185 kv.m olan mənzil
• Port Bakıda 150 kv.m daha bir mənzil
• Binəqədi rayonunda böyük torpaq sahələri
• Moskvada mənzil, Türkiyədə məşhur Leventdə mənzil
• Qızı Xatirə Qocayeva-nın adında 2 milyon depozit
• Süvəndə villa
• Özünə və ailəsinə məxsus Rang Rover, Audi Q7, S-Class Mercedes, Porsche, BMW markalı bahalı avtomobillər
• Tovuz rayonunun özündə və Şüyüblü kəndində tikinti materialları mağazası
• Dərnəgüldə tikinti materialları mağazası
• bacısı Afət Qocayeva Şüyüblü kənd orta məktəbinin direktorudur.
• Bir tender şirkəti, Polat Qapı Yol şirkəti ilə sıx münasibət və s.

Anaxeber.info