“Study In Turkey Azerbaijan” sirkətinin rəhbəri, təhsil məsələləri üzrə ekspert Fuad Haciyevin vətəndası aldatdığı və ondan 50 min manat aldığı barədə məlumat vermişik. Nəzərinizə çatdıraq ki, məlumat Musavat.com saytında dərc edilib.

Bildirək ki, vətəndaşın iddialarına görə, Fuad Haciyev onu və ailəsini Kanadaya işçi vizası ilə göndərmək üçün 2019-cu ildə onlardan 50 min manat alıb, amma verdiyi vədini əməl etməyib. Şikayətçi Bəsirli Nərmin Xaqani qızı müraciət edərək, daha sonra əlavə edib ki, əvvəlcə pulun yarısını ödəyib. Fuad onlara bildirib ki, yarısını da ödəməlidirlər. Əks halda, əvvəlcədən ödədikləri pul batacaq. Bu, onları qorxuya salıb. Məcbur qalaraq evlərini satıblar və pulu ödəyiblər. Hətta işdən belə çıxdıqları barədə məlumat verilib ki, bir aya artıq Kanadaya köçəcəklər. Beləliklə, həm işlərindən, həm də evlərindən olmuşlar. Vaxt gəlib çatanda bu adamı tapa bilməmişlər. Xeyli söz-söhbətdən sonra onlara sənəd göndərilib ki, bir ay ərzində aldığın pulları geri qaytaracaq, amma etməyib. Hər dəfə bir bəhanə ilə yoxa çıxıb.

2020-ci ildə Daxili İşlər Nazirliyinə müraciət edilib, nazirin qəbulunda olunub. Bundan sonra iş başlandıqda Fuadın həbsinə qərar verilib. O, həbsə girəndən sonra anası və bacısı onlara yalvararaq deyib ki, ailədə başqa iş yoxdur, şikayəti geri götürsələr, bu pulu onlara hər ay 3 min manat olmaqla geriyə qaytaracaqlar. Fuadın ailəsi və vəkili öz adlarından sənəd gətirərək zəmanət durduqlarını və pulun qaytarılmasında məsuliyyətin onların üzərinə düşdüyünü bildirmişlər. Onlar razılaşıblar, lakin Fuad həbsxanadan çıxdıqdan sonra ailəsinə zəng etməyib, o, onları təhqir edib və hədələyib. Deyib ki, hara istəyirsinizsə, gedib şikayət edin. Ardı var.

Adi hallanan “Study In Turkey Azerbaijan” şirkətinin rəhbəri, təhsil məsələləri üzrə ekspert Fuad Haciyevin mövqeyini dərc etməyə hazırıq.

Musavat.com