NASA trayektoriyasını dəyişdirmək üçün asteroidə qəsdən çırpılma missiyasına başlayacaq. Bu, bəşər tarixində Günəş sisteminin “qravitasiya rəqsinə” müdaxilə etmək üçün ilk cəhd olacaq.

“Haber Global”məlumat verir ki, NASA “Double Asteroid Delection Test” (DART) adlandırdığı bu missiya ilə Yerə çırpılan və planetin sonuna gətirib çıxara biləcək göy cisimlərindən necə müdafiə olunacağını sınaqdan keçirməyi planlaşdırır.

Çəkisi 610 kiloqram olan DART kosmik gəmisinin sabah Kaliforniyadakı Vandenberq Kosmik Qüvvələri bazasından “SpaceX Falcon 9” raketi ilə buraxılması planlaşdırılır.

Əgər DART uğurlu olarsa, bəşəriyyət tarixdə ilk dəfə olaraq Günəş sistemindəki obyektin dinamikasını ölçüyə uyğun dəyişmiş olacaq.

“Didymos” sistemindəki “Dimorphos” asteroidini hədəf alacaq kosmik gəminin bu missiyanı 26 sentyabr - 1 oktyabr tarixləri arasında yerinə yetirməsi gözlənilir.