Bugün, 8 Mart - Beynəlxalq Qadınlar Günüdür. Arazmedia.az xəbər verir ki, bu gün Klara Setkinin təklifi ilə 1910-cu ildən sosialist qadınların Kopenhagendə keçirilən II beynəlxalq konfransında təsis olunmuşdur. Bu günün mahiyyəti, qadınların ictimai-siyasi, iqtisadi bərabərlik və öz hüquqları uğrunda mübarizədə həmrəylik günü kimi yaradılmasıdır.
Dünyanın bir çox ölkəsində 8 Mart, əsasən, işləyən, əməkçi qadınların günü kimi qeyd olunur. İlk dəfə 1911-ci ildə Almaniya, Avstriya, İsveçrə və Danimarkada qeyd edilməyə başlanmışdır. Həmin dövrdən sonra, 1913-cü ildə bu gün Rusiyada da qeyd edilməyə başlanmışdır. 1975-ci ildən etibarən BMT tərəfindən 8 Mart Beynəlxalq Qadınlar Günü kimi elan edilmişdir.
Azərbaycanda isə bu bayram 1917-ci ildən mütəmadi şəkildə qeyd edilməyə başlanmışdır. 1998-ci ildən başlayaraq, Azərbaycanda Ailə, Qadın və Uşaq Problemləri üzrə Dövlət Komitəsi yaradılmışdır. Bu komitə, qadınların hüquqlarını müdafiə etmək və onların problemləri ilə məşğul olmaq məqsədini güdür.
Azerbaycan həm də Avropa Surasının qadınlarla bağlı bürosunda təmsil olunur. BMT-nin qadın məsələləri üzrə komissiyasının tamhüquqlu üzvüdür. 1995-ci ildən etibarən ölkəmiz, qadınlara qarşı münasibətdə ayrı-seçkiliyin bütün formalarının aradan qaldırılması haqqında beynəlxalq konvensiyaya qoşulmuşdur. 8 Mart, Beynəlxalq Qadınlar Günü Azərbaycanda qeyri-iş günü hesab olunur.
Bu gün, qadınların cəmiyyətin müxtəlif sahələrindəki rolunu vurğulamaq, onların müharibə, zorakılıq, iqtisadi çətinliklər və digər müxtəlif problemlərlə mübarizədə həmrəyliklərini artırmaq məqsədini güdür. Qadınların hüquqlarının müdafiəsi, gender bərabərliyi və qadınların cəmiyyətin inkişafında daha aktiv rol alması üçün bir gün olaraq 8 Mart, dünya üzrə müxtəlif tədbirlərlə qeyd olunur.
