Ötən həftə Zaqatala rayonunda Danaçi-Asagi Çardaxlar avtomobil yolunun sağ və sol hissələrində təhlükəsizlik məqsədilə ağacların kütləvi şəkildə qanunsuz budanması və kəsilməsi ilə bağlı Baş Prokuror yanında Korrupsiyaya qarşı Mübarizə Baş İdarəsində cinayət işi açıldı. Araşdırmalar zamanı sahibkarlıq fəaliyyəti ilə məşğul olan Müçüma Qudayevin başqa şəxsin adına “14 nömrəli Yol İstismarı” Mədhud Məsuliyyətli Cəmiyyətinin direktoru Rüstəm Pasayevlə müqavilə bağlayaraq 15-16 fevral 2025-ci il tarixlərində həmin ərazidə ümumilikdə 140 ədəd ağacı qanunvericiliyə zidd formada budayaraq zərər yetirməsinə dair əsaslı sübutlar müəyyən edilmişdir.
Baş vermiş pozuntu ilə bağlı “14 nömrəli Yol İstismarı” MMC-nin direktoru Rüstəm Pasayev, 8 saylı “Avtomobil Yollarının Yaşılması” MMC-nin direktoru İlhəm Namazov, Zaqatala rayon İcra Hakimiyyəti Başçısının Maqov kəndi üzrə inzibati ərazi nümayəndəsi Rəcəb Davudov tutduqları vəzifədən azad edilmiş, müvafiq nəzarət tədbirlərinin həyata keçirilmədiyinə görə 7 saylı Regional Ekologiya və Təbii Sərvətlər İdarəsinin rəhbəri Anar Süleymanov və həmin idarənin məsləhətçi-müfəttişi Əfqan Sibiyev vəzifələrindən kənarlaşdırılmışdır.
Cinayət işində toplanmış sübutlar əsasında Cinayət Məcəlləsinin 32.3, 259.4 (xüsusi ilə küll miqdarda ziyan vurmaqla qanunsuz ağac kəsmək), 309.2 (vəzifə səlahiyyətlərini aşma əhəmiyyətli nəticələrə səbəb olduqda) və 313-cü (vəzifə saxtakarlığı) maddələri ilə cinayət işi açılmışdır. Binəqədi Rayon Məhkəməsinin qərarı ilə “14 N-li Yol İstismarı” Mədhud Məsuliyyətli Cəmiyyətinin direktoru Rüstəm Pasayevin həbsi, sahibkar Qudayev Müçüma Məmməd oğlu isə polis tərəfindən nəzarət altına verilməsi qətimkan tədbiri seçilmişdir.
Qlobal.az-in əldə etdiyi məlumata görə, Zaqatala rayonunda Danaçi-Asagi Çardaxlar avtomobil yolunun sağ və sol hissələrində təhlükəsizlik məqsədilə ağacların kütləvi şəkildə qanunsuz budanması və kəsilməsi ilə bağlı açılmış cinayət işinə daha bir məmur cəlb edilib. Belə ki, ağacların budanması üçün keçən il 7 saylı RETSİ-nin rəhbəri vəzifəsində işləyən Akif Məmmədov sahibkar Müçüma Qudayevə ağacların budanması üçün qanunsuz olaraq rəy verib.
Məlumata görə, ağacların budanması üçün rəy 7 saylı RETSİ yox, Dövlət Ekoloji Ekspertiza Agentliyi tərəfindən verilməlidir. Ancaq 7 saylı RETSİ rəhbəri olmuş Akif Məmmədov Müçüma Qudayevə belə bir rəyi verdiyi bildirilir. Akif Məmmədov hazırda 8 saylı Regional Ekologiya və Təbii Sərvətlər İdarəsinin rəhbəri vəzifəsində işləyir.
8 saylı RETSİ rəhbəri Akif Məmmədovun Dövlət Ekoloji Təhlükəsizlik Xidmətinin rəhbəri Hikmət Əliyezadəyə yaxın olduğu iddia edilir. Məsələ ilə bağlı 8 saylı Regional Ekologiya və Təbii Sərvətlər İdarəsindən bildirilib ki, araşdırma aparılır.
