Ötən il Abseron rayon İcra Hakimiyyəti toplam 7 tender keçirib. Bu tenderlər üzrə 5 milyon 314 min 41 manat pul xərclənib. Bildirək ki, bu müsabiqələrə yolların təmiri, bina fondunun yenilənməsi, park tikintisi, Xırdalan şəhərinin işıqlandırılması və digər işlər daxildir.
Məsələnin maraqlı tərəfi odur ki, Abseron rayon İcra Hakimiyyətinin başçısı Abidin Fərzliyev bütün bu tenderləri bir şirkətə verib. Söhbət “PROQRESS İNSAAT EN” MMC-dən gedir. Abseronda hər işi görən bu şirkətlə İcra Hakimiyyəti arasında o qədər dərin bağlar var ki, Fərzliyev Azərbaycanın “Milli Qurtuluş Günü” ilə əlaqədar tədbirin təşkili işlərini də bu şirkətə etibar edib. Bunun üçün də 190 min 331 manat pul da alıb.
“PROQRESS İNSAAT EN” MMC, ümumilikdə 2024-cü il ərzində cəmi 15 tenderə qatılıb. Onun 7-si Abseron rayon İcra Hakimiyyətinin, 2-si Sumqayıt İcra Hakimiyyətinin (toplam 2 milyon manata yaxın), ikisi isə Biləsuvar İcra Hakimiyyətinin (toplam 637 min manat) keçirdiyi tenderlər olub. Bundan başqa, MMC “AZƏRISTİLİKTƏCHİZAT” ASC 250 minlik, AMEA-nın 120 minlik, Biləsuvar İcra Hakimiyyətinin 33.5 minlik, SDU-nun 83.2 minlik müsabiqələrini də ala bilib.
Nəzərinizə çatdıraq ki, Dövlət Vergi Xidmətinin kommersiya qurumunun hüquqi şəxslərin dövlət reyestrinə daxil edilmiş məlumatlarında “PROQRESS İNSAAT EN” MMC Bakı şəhəri Lokal Gəlirlər Baş İdarəsində 29.11.2021-ci il tarixdə dövlət qeydiyyatına alındığı bildirilir. Nizamnamə kapitalı cəmi 1000 manat olan MMC-nin hüquqi ünvanının Bakı şəhəri Xətai rayonu, pivə zavodu, ev 24/6, qanuni təmsilçisinin isə İslamov Nazim Əli oğlu olduğu göstərilir. Reyestrə daxil edilmiş məlumatlarda 07-07-2022-ci il tarixdə MMC-nin qanuni təmsilçisi Sirinov Eldar Bəhlul oğlu olub.
Qeyd edək ki, MMC-nin qanuni təmsilçisi Sirinov Eldar Bəhlul oğlunun barəsində kifayət qədər geniş məlumatlar var. Təhkiz olunmamış məlumatlarda Sirinov Eldar Bəhlul oğlunun Bakı şəhəri İcra Hakimiyyətinin Mənzil-Kommunal Təsərrüfatı Departamentinin sədri Rəfail Mehraliyevin yeznəsi olduğu göstərilir.
Bu məlumatın mövcudluğu onu deməyə əsas verir ki, Abidin Fərzliyev ilə şirkət arasındakı simsarliq eləcə də bu yeznə-kürək məsələsinə bağlıdır. Yəni, Abseronun icra başçısı kənar adama deyil, elə Mehbaliyevin kürəkəninə tenderləri verməklə, lazım olanda bu odiya məmurun əli ilə işlər görməyə çalışır.
Yazıda adı keçən qurumların və şəxslərin də mövqeyini dərc etməyə hazırıq. (tribunainfo.az)
Sabutay Quliyev
```
