Qarasu İqtisadiyyatının İşçiləri Problemlərini Prezident Administrasiyasına Bildirir

Qarasu İqtisadiyyat Sirkətinin işçiləri, 2009-cu ildən bəri kəsilmiş əmək haqları və sosial təminatlarla bağlı şikayətlərini Prezident Administrasiyasına, İş və Həmkarlar Sindikası Nazirliyinə, Dövlət Əmək Müfəttişliyi Xidmətinə və Korrupsiyaya Qarşı Mübarizə Baş İdarəsinə təqdim ediblər. İşçilərin bildirdiyinə görə, illərlə susdurulan haqsızlıqlara qarşı artıq səs yüksəltməyə qərar veriblər.

Lakin qeyd olunan məlumatlara əsasən, işçilərin müraciətləri yerində araşdırılmaq əvəzinə, birbaşa Qarasu İqtisadiyyat Sirkətinin rəhbərliyinə yönləndirilib. Bu isə işçilərin vəziyyətini daha da ağırlaşdırıb.

“Şikayətlərimiz bizi təzyiq altında qoyur”

İşçilər iddia edirlər ki, rəhbərlik onların şikayət etmələrinə görə ayrı-ayrılıqda çağıraraq təzyiq göstərir, hədələr gəlir və işdən çıxarılmaqla hədələnirlər. “Biz sadəcə illərlə aldığımız maaşların kəsilən hissəsinin bərpasını istəyirik. Bu, bizim hüququmuzdur. Amma indi hüququnu tələb edən işçi təhdid altına düşür,” – deyə müraziətçilər bildirirlər.

İşçilərin sözlərinə görə, dövlət qurumlarının məsələləri yerində araşdırmaq əvəzinə şikayət məktublarını sirkətə yönəltməsi, onları rəhbərliyin hədəfinə çevirib. İşçilər hesab edirlər ki, bu cür yanaşma, həm hüquqi, həm də etik baxımından yolverilməzdir.

Kollektiv İctimai Dəstək İstəyir

Redaksiyamıza ünvanlanan kollektiv müraciətdə bildirilir ki, Qarasu İqtisadiyyat Sirkətində baş verən bu hallar yalnız bu müəssisə ilə məhdudlaşmır, ümumilikdə işçi hüquqlarının necə qorunduğunu bir daha gündəmə gətirir. Onlar ictimaiyyəti bu məsələyə biganə qalmamağa, müvafiq qurumları isə işi obyektiv və şəffaf şəkildə araşdırmağa çağırırlar.

Qeyd edək ki, məsələ ilə bağlı aidiyyatı qurumların da mövqeyini dərc etməyə hazırıq.